(香港東方日報訊)後日，謝霆鋒將返港全力着手處理家事。據知，身在寧波的張栢芝為免坐以待斃，向劇組請假2天返港盯哨，鋒芝將於本月8日決戰陽明山莊，力爭一對兒子的撫養權，霆鋒更願意付出一半身家換兩寶貝，希望兒子能在健康安穩環境下成長。

霆鋒自上月尾在北京真情剖白婚變宣言後，決定割捨跟栢芝的5年夫妻情，並於栢芝上周離港前，由律師樓職員將草擬好的離婚協議書，放入栢芝居住的陽明山莊信箱，確保不會出現郵遞失誤。但栢芝卻沒有打開信箱，翌日還返了大陸拍戲。

盼兩兒安穩下成長

其實自驚爆婚變後，鋒芝已有50多天未見一面。據知，栢芝藉霆鋒周五返港時機，即向劇組申請8及9日放假返港搵霆鋒「講數」，是聚是散都有一個了斷！消息指由於霆鋒跟栢芝早已分居，夫妻關係名存實亡，所以他返港後不會入住陽明山莊，但就不抗拒跟栢芝會面，好好傾談解決婚姻問題。

據知霆鋒不想拖泥帶水，婚姻。希望栢芝面對現實，快些辦妥離婚手續，不過在Lucas和Quintus的撫養權未明確前，霆鋒不想無辜稚子做磨心，所以他暫時不會接走一對兒子，因為兒子要有專屬保母照顧。之前有指霆鋒想跟栢芝一人要一個兒子，由他照顧Quintus，Lucas則交栢芝撫養，但現在霆鋒想兒子在健康穩定環境下成長，決力爭一對兒子撫養權，甚至不介意分一半身家給栢芝，畢竟他愛過栢芝，希望大家能好來好去。

平心靜氣解決問題

已有50多天未見過兒子Lucas和Quintus的霆鋒，對兒子牽腸掛肚，於8日返港後將到陽明山莊見囝囝，他亦有心理準備會見到栢芝，希望兩個人能平心靜氣好好解決問題。消息指霆鋒將着律師聯絡栢芝律師，雙方律師可着手辦理離婚手續。

對於栢芝請假返港搵霆鋒，霆鋒經理人霍汶希說：「霆鋒願意坐低同栢芝慢慢傾，好好解決屋企問題，其他就唔回應，畀佢哋順其自然處理，唔好將事件複雜化。」另外，本報致電謝賢，問會否跟霆鋒去見孫仔？四哥無奈說：「唉！你哋唔好再問呢啲問題啦，我都唔知點答你好，佢就算係見都唔會話畀你哋知，係咪？博影相咩？唔通佢做乜都會話畀大家知咩？」

文：音樂組

(温馨提示):若转载请注明来自陈伟andy博客>:

=================================================================================

工作相集>